तालिम समाचार

मिति २०८१/१०/२५ गते देखि रा.त.का तालिम शाखाले ३ दिने R प्रोग्रामिङ तालिमको आयोजना गरेको थियो। यो तालिम विशेष गरी अधिकृत स्तरका कर्मचारीहरूको लागि आयोजना गरिएको हो, जसले डाटा विश्लेषण र सांख्यिकीको क्षेत्रमा नयाँ सीप र ज्ञान प्राप्त गर्न सक्नेछन्।

तालिमको उद्घाटन समारोहमा सचिव मधुसूदन बुर्लाकोटी प्रमुख अतिथिका रूपमा उपस्थित हुनु हुन्थ्यो । यस अवसरमा सहसचिव डा. हेमराज रेग्मी, सहसचिव ढुण्डीराज लामिछाने, र उपसचिव डा. अनिल श्रेष्ठ समेत उपस्थित थिए। कार्यक्रमको सञ्चालन तालिम शाखाका संचालक प्रशिक्षक निर्देशक शिव श्रेष्ठ ले गरेका थिए भने प्रशिक्षकको भूमिका द्वय निर्देशक शिव श्रेष्ठ र उपसचिव डा.अनिल श्रेष्ठ ले निभाएका थिए ।

यस तालिमको उद्देश्य भनेको अधिकृत स्तरका कर्मचारीहरूलाई R प्रोग्रामिङका माध्यमबाट डाटा विश्लेषण र सांख्यिकीका अत्याधुनिक विधिहरूमा दक्ष बनाउने हो। सहभागी कर्मचारीहरूले R प्रोग्रामिङका विभिन्न पक्षहरू, जस्तै डाटा सङरचना(vector,matrix,data frame,list) ,Data export n Import) गर्न, सांख्यिकी विश्लेषण(Hypothesis testing,Regression) र डाटा दृश्यांकन(ggplot2 को प्रयोगबाटChart, Graph, Histograph, Boxplot, Scatter plot ) का बारेमा विस्तृत रूपमा अध्ययन गरेका थिए।

सचिव मधुसूदन बुर्लाकोटी ले कार्यक्रममा आफ्नो सम्बोधनमा भने, R प्रोग्रामिङको ज्ञान कर्मचारीहरूको कार्यक्षमता वृद्धि गर्ने महत्वपूर्ण उपकरण हो। यस तालिमले डाटा विश्लेषण र निर्णय प्रक्रियामा सुधार ल्याउन मद्दत पुर्याउनेछ।”

कार्यक्रममा उपस्थित सहसचिव डा. हेमराज रेग्मी र सहसचिव ढुण्डीराज लामिछाने ले पनि तालिमको महत्त्व र डाटा विज्ञानमा यसको प्रभावलाई स्वीकार गर्दै सहभागीहरूलाई उत्साहित गरे। यश तालिममा सहयोगी संस्था Younginnovations ले आर्थिक र प्राबिधिक रूपमा सहयोग पुर्याएको थियो ।